Science & Environment: Amazon Rainforest

Khawvela rainforest zau ber, Amazon Rainforest hi South America-a ram pariat leh territory pakhatah a inzarpharh a ni.

Amazon rainforest zau zawng hi sq km mtd 6.7 zet niin, heng zinga 60% chu Brazil ram chhunga awm a ni. A bak hi Bolivia, Colombia, Ecuador, Guyana, Peru, Suriname, Venezuela leh French Guiana ramah an awm.

Amazon rainforest-ah hian chawhrualin ni thum danah rannung leh thlai species thar hmuhchhuah thar ziah ang a ni. Tunah hian khawvela wildlife species hriat tawh zinga 10% chu he ram ngawah hian an cheng mek. Thingkung chi hrang, species 16,000 vel awmin, he ram ngaw huam chungah hian thingkung hi tld 400 dawn a awm nia chhut a ni bawk.

Amazon ram ngaw huam chhungah hian indigenous group 350 chuang an khawsa a, ṭawng chi hrang 300 vel an hmang.

Hetih lai hian Amazon ramngaw hi a chereu nasa tawh hle a, kangmei chhuak ṭhin vang leh, mihringte thil thlen hrang hrang vangin a tira a zau zawng aṭanga 17% vel chu a hloh tawh a, hei hi France ram tiat zet a ni.

He ram ngaw chereu zel tur ven leh humhalh dan ngaihtuahin, August 8 leh 9 khan Belem, Brazil-ah Amazon ram pariatte chuan summit an nei a, declaration an ziak a ni.