Selena Gomez hla thar a chhuak dawn e

Selena Gomez chuan a hla thar, 'Single Soon' chu August 25-ah a tichhuak dawn tih a puang.

Gomez hian album thar SG3 a buaipui mek a, a album hi la peihfel chiah lo mah se, album thar ami tur single a tichhuak dawn tih hi a Instagram lamah rawn puangin, music video ami thlalak pawh a rawn dah tel bawk. 'Single Soon' hi Benny Blanco leh Chasmere Cat-ten an produce a ni. Kum 2020-a 'Rare' album a tihchhuah hnuah Gomez hian album thar a la siam leh lo. A album thar a tihchhuah hun tur hi a la hriat loh a, a hmanhmawh lutuk loh thu a lo sawi tawh.

August 25 vek hian Miley Cyrus pawhin single, 'Used To Be Young' a tichhuak ve dawn bawk.