Guns N' Roses-in hla thar tichhuak

Guns N' Roses chuan August 18 khan hla thar, 'Perhaps' an tichhuak a, hemi zan vek hian Pittsburgh-a an perform-naah live-in an sa nghal bawk.

'Perhaps' hi kum hnih dawn hnuah GN'R in hla an tihchhuah lehna hmasa ber a ni a, kum 2016-a Slash leh Duff McKagan-te'n an band an zawm leh hnua an hla tihchhuah pathumna a ni bawk. An hla thar hi radio station-ten an tichhuak hmasa phawt a ni.

He hla hi Axl Rose, Slash leh Duff McKagan-te'n kumina an siamho niin, kum 30 chhunga hla an siamho lehna hmasa ber a nih thu, an radio station aṭanga he hla tichhuaktu, broadcasting company Audacy chuan a tarlang.

GN'R hian North America tour an nei mek a, zanin hian Boston, Massachusetts-ah show an nei chhunzawm ang.