Comedian Search-ah mi 70 chuangin hming pe lut

LH Thanga Enterprise (LHTE) LPS Comedian Search Season 15 chu August 18 khan Ignite Studio-ah Selection round neih a ni. He intihsiaknaa tel tur hian fiamthu thiam mi 70 chuangin hming an pe lut.

Kumin Comedian Search-a judge turte chu - Darrokima, Lalhruaitluanga Chawngte leh H.Rotluanga (Mapuia) te an ni.

August 25 (Zirtawpni) leh August 26 (Inrinni) zanah First Round hi neih a ni dawn a, zan dar 8:00 ah ṭanin, LPS-1-ah live-a tihchhuah a ni tawh ang.

Kumin Comedian Search-a pakhatna hian lawmmanah Rs. nuai 1, Suzuki Access 125, TV, 1.6KW Solar Hybrid Power Backup System a dawng dawn a, pahnihnain Rs. 50,000, Refrigerator, Solar Heater 200ltr per day a dawng dawn a, pathumna hian Rs. 30,000, Washing Machin,e Solar Heter 100 ltr per day a dawng dawn bawk a ni.