Spotify-a record siamtu Jungkook

BTS Jungkook chuan Spotify weekly Global Top Songs chart-ah record thar a siam leh ta.

Jungkook hian a single 'Seven' (featuring Latto) chu July thla khan tichhuakin, Global Top Songs chart-ah no. 1 a rawn ni nghal a, K-pop soloist zinga hetiang dinhmun thleng thei hmasa ber a ni nghal bawk. He hla hi tihchhuah a nih aṭanga darkar 24 chhungin Spotify-ah hian stream mtd 15 a nei a, khawvela artist zingah Taylor Swift chiah a tluk pha lo a ni.

Kar nga hnuah pawh 'Seven' hi Spotify weekly Global Top chart-ah no. 1 a la ni chhunzawm zel a, Korean artist zingah hetiang record siam thei an la awm lo. 'Seven' hi UK Official Singles Chart-ah pawh kar hnih chhung nga chhung top 30-ah a lang tawh bawk.