Doja Cat-in lemchan lam hawi chak

Singer leh rapper, Doja Cat chuan lemchan lam luh chilh a, martial arts film-a chan a chak thu a sawi.

Kum 27 mi, 'Say So' hitmaker hian music lam han chawlhsan lawk a, movie lamah luh a chak thu a sawi. 'Comedy leh action film lam hi ka ngaina a, martial arts zir phawt a, 'John Wick' film ang chi-ah khan chan ve ka chak a ni," a ti. May thla khan Cat hian pop music lam chuan a tiphur tawh lo tih sawiin, pop lam chu siam a duh tawh loh thu a lo sawi tawh bawk.

Doja, a hming tak Amala Dlamini hian a social media page lamah a fan-te chungchang leh an comment-te ṭawngkam mawi lo taka a chhan avangin sawisel a tawk nasa a, Instagram-ah pawh follower mtd 2 dawn a hloh tawh a ni.