Mario aw thawhtu a chawl tawh dawn

Gaming giant, Nintendo character lar tak, Mario aw thawhtu, Charles Martinet chuan a chawl tawh dawn tih a puang.

Kum 67 mi, Martinet hi kum 1996-a Super Mario 64 tihchhuah a nih aṭang khan he video games-a Italian plumber aw thawhtuah hian a ṭang a ni.

Nintendo chuan hemi chungchang hi X-ah tarlangin, hun rei tak Martinet an thawhpui thei chu lawmawm an tih thu an sawi a, a aw thawh zui tawh dawn lo mah se 'Mario ambassador' angin an la thawk dun zel dawn tih an tarlang.

Martinet hian Mario aw a thawh bakah, Mario series-a character dang - a unaupa Luigi, a khingpui Wario leh Waluigi bakah an baby version-ah pawh aw a thawh bawk.

He video games behchhana Mario movie siam hi box office lamah a che ṭha hle a, USD tld 1 chuang a la lut thei a ni.