Jak and Daxter movie-ah Tom Holland leh Christ Pratt

Sony chuan action-adventure video game, Jak and Daxter live-action movie an siam dawn a, Jak lemah Tom Holland leh Daxter-ah Christ Pratt an chang dawn niin report ṭhenkhat chuan an tarlang a, director hi Ruben Fleischer (Venom, Uncharted) a ni dawn nia sawi a ni bawk.

Hetih lai hian Jak and Daxter movie siam a ni dawn tih hi a hma pawhin sawi thawi a lo ni tawh a, Sony lam erawh chuan official-in engmah an la sawi chiang lo a, film leh television group-te nen project 10 chuang an neih thu chauh an la sawi lang. Tun hnaiah Tom Holland-a'n games adaptation-ah 'Jak' lema chan a chak thu a sawi chhuah hnuah thawm a rawn awm ṭha a, Tom Holland ṭawngkam hian film hi siam a ni ngei dawn nia rinna pawh a tilian hle.

Holland leh Pratt hi a hma pawhin an lo thawk dun tawh a, Disney Pixar fantasy animation, 'Onward'-ah aw an lo thawh dun tawh a ni.