Louis Vuitton House Ambassador thar Stray Kids' Felix

French luxury fashion house, Louis Vuitton cuan House Ambassador thar atan Stray Kids' Felix an ruat thu nimin khan an puang.

Louis Vuitton chuan an official instagram account-ah an ambassador thar hi puangin, an company kutchhuak thawmhnaw haa South Korean rapper thlalak pawh hi an dah chhuak bawk. Stray Kid fans, STAY-te pawhin an lawmpui nasa hle.

Australia rama piang, Felix hi JYP Entertainment din, member pariat awmna, Stray Kids member niin rapper, singer, songwriter leh dancer a ni. July thlaa 'Lollapalooza Paris'-a an perform-naah 'Louis Vuitton' kutchhuakte a hak avangin, fan-te chuan luxury brand hi a zawm dawn nia an rin thute pawh an lo sawi lang tawh a ni.