Demi Lovato leh a manager Scooter Braun inṭhen

Demi Lavato chuan a album thar release tur a buaipui mek karah kum hnih chhung manager atana a lo hman, Scooter Braun nena an thawh dunna a titawp a, management thar a zawng mek.

Kum 31 mi, Lavator hian September 15 hian 'Revamped' album a tichhuak dawn a, hetah hian a hla hit ṭhenkhat rock version pawh a telh dawn a ni.

Kum 2019 khan manager atan Scooter Braun hi a chhawr a, an thawh dun chhung hian album pahnih a tichhuak hman. Rilru lamah harsatna tawka enkawl a ngaih lai pawhin Braun hian a thlawp ṭha hle.

Report ṭhenkhat chuan Ariana Grande leh Justin Bieber pawhin Scooter an thawhpuina hi an titawp dawn niin an tarlang a, mahse, Bieber aiawh chuan hei hi thu dik lo a nih thu a sawi thung.