Gadar 2-in ni 11 chhungin Rs. vbc 400 la lut tling ṭep

Sunny Deol channa, 'Gadar 2' chu Indian box office-ah a tal na hle a, August 11-a tlangzarh hian August 21 thleng khan Rs vbc 389.10 a la lut tawh.

2001 hit, 'Gadar : Ek Prem Katha' sequel-ah hian kum 22 hnuah Sunny Deol leh Ameesha Patel te bawk an chang dun leh a ni. He film-ah Tara Singh-a'n Pakistan army general-in a man, a fapa chhanchhuak tura huaisen taka ramri kal tlanga a chet chhuah dan tarlan a ni. A fapa lemah hian Utkarsh Sharma a chang.

Anil Sharma direct, Gadar 2 hian Bollywood film zinga second-weekend a sum la lut tam ber record rawn siamin, a kar hnihnaah hian Rs vbc 90.47 a la lut thei a, a hmaa record lo siamtu, Baahubali 2 (Rs vbc 80.75) chu a rawn khum a ni.