Billboard 200 : A zawna kar thum no. 1 ni thei Travis Scott 'Utopia'

Billboard 200 album chart-ah Travis Scott (II) 'Utopia' chuan a chung berah awm lehin, a zawnin kar thum chhung no. 1 dinhmun a luah ta. '

Kum 2021 November thlaa Drake 'Certified Lover Boy' album-in a zawn loa no. 1 dinhmun kar nga chhung a luah hnuah, 'Utopia' hi rap album zingah no. 1 ni rei thei ber a rawn ni ta. Kum 2018 khan Scott hian a album, 'Astroworld' chu kar thum chhung chart no. 1 a lo nihpui tawh bawk.

'Utopia' hian kar liam ta khan equivalent album unit 1,85,000 nei lehin, album sale unit 99,000 a nei tling a, heng zinga 93,000 chu vinyl niin vinyl sales a ṭhat ber kar a ni thung a, kum 1991 hnu lama kar khat chhunga vinyl hralh chhuah tam lamah pasarihna a ni pha.

Morgan Wallen pawhin 'One Thing at a Time' chu equivalent album unit 94,000 la neihpuiin no. 2-ah a la din nghehpui zel. no. 3-ah Karol G 'Manana Sera Bonito "Bichota Season"' chu a rawng lang thar bawk.

'Barbie' soundtrack chu no. 4-ah a tla thla a, Taylor Swift chart topping album 'Speak New (Taylor's Version) chuan tlahniamin, no. 5-ah a awm. Hetih lai hian a album pathumte chu Top 10-ah hian an la lang thei tho a ni. Peso Pluma bakah Morgan Wallen album dang pakhat chu Top 10-ah an la lang bawk a ni.