Aquaman leh Guardians of the Galaxy star-te chang dun dawn

'Aquaman' star Jason Momoa leh 'Guardians of the Galaxy' actor Dave Bautisa-te chu Blue Beetle director, Angel Manuel Soto-a film thar, 'The Wrecking Crew'-ah an chang dun dawn.

Soto hian a movie thar tur hi a buaipui ṭan tawh a, script writer hi Jonathan Tropper niin, July thlaa American actors' union SAG-AFTRA (Screen Actors Guild - American Federation of Television and Radio Artists)-te nawrh huaihawt hma khan Bautista leh Momoa te pawh hi biak fel an ni tawh niin an tarlang. A plot kimchang sawi lan a la ni lo a, 'buddy comedy' ti ringawtin an la sawi a ni.

Bautisa hian kum 2021 khan Momoa nena buddy cop movie-a chan dun a chak thu hi a lo sawi lang tawh a, a hnuah Momoa pawhin Bautisa nena chan dun chu a chak thu a sawi ve leh bawk. Actor pahnihte hi Apple TV Series 'See'-ah an lo thawk dun tawh bawk.