Drake album cover a fapa kum 5 miin design-sak

Canadian rapper, singer, leh songwriter Drake chuan a album tihchhuah tur, 'For All the Dogs' cover chu a fapa, kum 5 mi Adonis Graham design a nih thu a sawi.

Kum 36 mi, 'Certified Lover Boy' artist hian a album cover-a hman tur, a fapa lemziah hi a instagram-ah a rawn dah lang a ni.

Drake leh French artist Sophie Brussaux-te fapa, Adonis hi October 11, 2017-a piang a ni a, a pa bulah nipui chhung hun hmangin, a show neihnaah pawh hmuh a ni fo. August 12-a Los Angeles-a Drake-a'n tour a neihnaah pawh a fapa hi a hruai a, a social media account lamah pawh a fapa nena an hun hman dunna thlalakte a dah lang bawk.