Big screen-ah Snoopy leh Charlie Brown kan hmu leh maithei

'Peanuts' creator, Charles M.Schulz-a fapa, Craig Schulz chuan comic strip behchhana movie thar siam a duh thu a sawi a, Snoopy leh Charlie Brown pawh big screen lamah kan hmuh leh theih hmel e.

Kum 2015-a tihchhuah, 'The Peanuts Movie' khan big screen lama Snoopy leh Charlie Brown-te kan hmuh hnuhnun ber a ni a, mahse, Craig chuan film thar a awm mai theih thu hi Screen Rant-in a interview-naah a sawi chhuak.

Schulz-a comic strip behchhan hian movie panga siam a ni tawh a, he comic hmang hian theme leh character dang hmanga film siam theih tur pawh tam tak a awm niin a fapa hian a sawi. Charles M. Schulz hi kum 2000 khan a boral tawh a, a hei vang hian a fapa chuan 'Peanuts' legacy chu vawn nun zel pawimawh a tih thu a sawi.