YouTube-ah 'humming' hmangin hla zawn theih dawn

YouTube chuan feature thar a siam dawn a, user-te chuan an hla ngaihthlak duh chu type kher ngai loin, a thluk tih rik (humming) hmangin an zawng thei tawh dawn.

Google company chuan hemi chungchang hi an page-ah tarlangin, user-te chuan humming emaw, hla record play hmangin emaw an hla duh an zawng thei dawn tih a sawi. YouTube voice search aṭangin, an hla duh hi 'hum' emaw, record emaw chu second thum chuang an play ang a, an hla zawn ber chu a rawn lang thei mai dawn a ni.

Company chuan an feature hi Android device hmanga YouTube en ṭhin mi tlemteah enchhin phawt a ni tih an sawi.

Tun thla tir lam khan video-sharing platform hian artificial intelligence (AI) auto-generated summaries an enchhin thu an lo sawi tawh bawk. AI hmang hian user-te chuan video an en chanchin chu rang zawkin an chhiar thei dawn a, mahse, creator-te'n video description an ziahte chu thlak a ni dawn chuang lo a ni.