Jacqueline Fernandez aiah Nora Fatehi zawk

India exterme sports action film hmasa ber tur, Crakk - Jeetegaa Toh Jiyegaa-ah a changtunu atan Jacqueline Fernandez chu thlakin, Nora Fatehi chu thlan a ni leh ta zawk niin report chuan a tarlang.

Nikum October aṭang Jacqueline Fernandez hian Poland-ah shooting hi a nei ṭan tawh a, mahse, he project hi T-series-in a lak hnuah, Jacqueline hi thlakin, Nora Fatehi zawk hi a changtunu turin an thlang leh ta zawk a ni. Film hi kuminah tihchhuah hman an tum.

Nora leh Jacqueline-te inkar boruak hi a ṭha lo hle a, con-man Sukerh Chandrashekar nena an inkar chungchang an sawi dan avangin Nora hian Jacqueline leh media outlet ṭhenkhat lakah thubuai a lo theh lut tawh a ni. Nora hian a hming tihchhiat tuma thawkhoah a puh a ni.