Dune 2 tihchhuah hun tur sawn

Hollywood actor leh writer-te nawrh huaihawt nghawng kal zelah, kumin November thlaa tlangzarh tum, Dune 2 tihchhuah hun chu nakkumah sawn hlat a ni.

Warner Bros chuan sci-fi sequel tlangzarh hun tur sawn hlat a nih thu hi Ningani khan puangin, nakkum March 15-ah theatre-ah tihchhuah a ni chauh dawn tih a sawi.

Hei bakah hian Legendary leh WB-te thawh dunna dang, 'Godzilla x Kong: The New Empire' tihchhuah hun tur pawh March 14, 2024 aṭangin April 12, 2024 sawn hlat a ni bawk.

Warner Bros chuan big-budget Dune sequel hi actor-te nawrh avangin a star-te hian an promote thei dawn lo a, hei vang hian kumin kum tawp lama film chhuak tur nghahhlelhawm ber zinga mi ni mah se, an sawn tih an sawi. He film-ah hian Zendaya leh Timothee Chalamet-te an chang. A film hmasa zawk khan global box office-ah USD mtd 402 a la lut a ni.