Timberlake, Furtado leh Timbaland zaiho leh dawn

Justin Timberlake, Timbaland leh Nelly Furtado-te chuan kum 16 hnuah hla thar an tichhuak leh dawn.

September 1-a hla thar an tihchhuah tur thu an sawi hnuah, kum 2007-a trio hit, 'Give It to Me' tih pawh TikTok lamah a viral nghal a ni. He hla hi Billboard Hot 100-ah pawh no. 1 an nihpui a ni.

An pathum hian an hla thar tihchhuah tur hi Instagram lamah a teaser an dah chhuak hlawm. Artist pathumte hian kuminah single an tichhuak ṭheuh tawh bawk a, Timbaland hian March khan 'I'm That Bitch' a tichhuak a, June-ah Furtado hian 'Eat Your Man' tichhuakin, Timberlake hi July thlaa Coco Jones remix ' ICU' ah a tel ve bawk.