WWE champion hlui Bray Wyatt a thi

WWE world champion vawi thum lo ni tawh, Bray Wyatt chu August 24 khan kum 36 mi niin heart attack avangin a thi.

Bray Wyatt, a hming tak Windham Rotunda hi a hriselna lam ṭhat tawk loh avangin kumin February aṭang khan ring chhungah a inlan tawh ngai lo.

Wyatt hi wrestler chhungkua aṭanga chhuak niin, a pu Blackjack Mulligan, a pa Mike Rotunda leh a nau Bo Dallas-te pawh wrestler vek an ni. High school a kal laiin state wrestling champion a ni a, Troy University-ah football scholarship a hmuh phah. Mahse professional wrestler ni turin a graduate hmain a zirna a chawlh san a, kum 2009 khan wrestling lam a luhchilh ṭan. Hming hrang hrang - Husky Harris, Alex Rotunda, Duke Rotundo leh The Fiend tihte a hmang bawk.

Wyatt hian a nupui hual, WWE ring announcer hlui Joseann Offerman leh a fate pali a kal san a ni.