Reynolds Blue Cap Pen titawp dawn lo

Pen siamtu, Reynolds pen siam lar tak, a chhin pawl chu an siam chhunzawm tawh dawn lo nia X lamah post a viral hnuah, Reynolds chuan he thuthang hi a dik lo tih a rawn sawifiah ve nghal.

Reynolds 045 fine carbure pen, 'Sachin Tendulkar pen' tia hriat lar hi India rama pen hman tlanglawn leh lar ber zinga mi a ni. Zirlai leh zirtirtute chuan he pen hi an hre lar hle awm e. Kum tam tak chhung chu pen dang zawng aiin a lar tawh a ni.

Mahse kar liam ta khan X lamah hian mi pakhatin Reynolds chuan he ball point pen hi an siam chhunzawm tawh dawn lo tiin a rawn post a, mi tam takin an ui thu leh, kawl ṭhat tura lei khawl an tum thute pawh an tarlang hman.

Mahse Reynold chuan 945 ball pen chu tihtawp tumna a awm lo tih an facebook page-ah an rawn sawi a, thuthang chu a dik lo a ni, a ti. He pen hi pakhat Rs 10-a lei turin a la awm zel dawn tih a rawn sawi.