American 90% dawnin Barbie movie an hria

Kumina Hollywood film chhuak tawha hit ber, 'Barbie' movie chuan thawm a la nei ring zel.

Yahoo Entertainment/YouGov poll thar bera a lan danin, America mipui tam ber chuan blockbuster movie chungchang hi an hria. US-a puitling zinga 88% chuan Warner Bros film chungchang hi tlem azawng an hria tih an sawi laiin, 39% chuan an hre ngun hle tih an sawi thung.

Ngaihdan thawhtu zinga 13% chuan he movie hian hmeichhiateah nghawng ṭha lo a nei theia an sawi laiin, 27% erawh chuan a ṭha lamin a nghawng tih an sawi thung a, nghawng engmah a nei zui lo nia sawi 18% awmin, ngaihdan nei lo 31% an awm.

'Barbie' movie-a mipa tarlan a nih dan chu a 'fair' tawk nia ngai 19% an awm a, 'fair lo' tia sawi 15% an awm ve bawk.