Iggy Azalea-i'n Saudi-a a show nei tluan thei lo

Iggy Azalea chu Saudi Arabia-a concert a neih laiin a kekawr hak lai a ṭet palh a, a taksa a lan avangin a show a tihtawp phah.

'Problems' rapper, kum 33 mi hi kar liam taa Boulevard Riyadh City-a e-sports and gaming event, 'Gamers8'-ah headline a ni a, mahse, stage-a a awm laiin a kekawr hak hi a ṭet a, Saudi Arabia dress code-in mipui hmuha hmeichhe taksa tih lan khap a nih avangin a show neih hi tihtawp zui a ni. Hemi chungchang hi Istagram-ah pawh sawi fiahin, 'Ka kekawr a ṭeh palhna tur hmun fuh lo ber a ni awm e, show ka neih tluan pawh phalsak ka ni ta lo a ni,' a ti. Show hi neih chhunzawm duh mah se, thuneitute lamin an phalsak lo tih a sawi a, hetih lai hian promoter-te erawh chuan an ngaihsakin a chungah an ṭha hle tih a sawi.