2023 Streamy Awards sem

Online lama che ṭhate hnena chawimawina pek ṭhin, YouTube Streamy Awards, Streamy Awards tia hriat lar chu kar liam ta khan sem a ni.

Streamy Awards hi Dick Clark Productions leh Tubefilter-te siam niin, kum 2009 aṭang khan kum tin sem ṭhin a ni. Web series bik tana awards show siam hmasak ber a ni bawk.

2023 Streamy Awards hi Pathianni, August 27 khan Los Angeles-ah sem a ni a; YouTube veteran MatPat chuan a host a ni. Beauty, comedy, food, gaming, music, podcast leh sports lama content creator hrang hrangte chawimawina hi pek a ni. Category 30 chuang siamin, heng zingah hian Audience Choice leh Visionary Award-te siam tel a ni bawk.