Shakira hnenah Video Vanguard Award hlan dawn

Colombian superstar, Shakira chu September 12-a 2023 MTV Video Music Awards neih turah Video Vanguard Award hlan a ni dawn.

South American artist zingah Shakira hi he Award dawng thei hmasa ber leh, Latina artist zinga a pahnihna a ni dawn. Kum nga kalta khan Jennifer Lopez chuan award hi a lo dawng tawh a ni. Shakira hi VMA-ah hian a peform dawn bawk a, kum 17 hnua a perform lehna hmasa ber tur a ni ang.

Shakira hi kuminah a che ṭha chho hle a, January thla khan Bizzarap nena an thawh dunna, 'Bzrp Music Sessions, Vol 53' chu Billboard Hot 100-ah no. 9 niin, hmeichhie artist zingah Spanish language track hmanga top 10 thleng thei hmasa ber a ni. He single hi Spotify-ah darkar 24 chhunga Latin track stream nasat ber leh, YouTube-a Latin track zingah view mtd 100 nei thei hmasa ber a ni bawk.