Eminem-a'n campaign-na atan a hla hman khap

Rap star Eminem chuan political campaign-na atan a hlate hman a phal lo tih a sawi.

US President thlanna neih tura Republican presidential candidate chuh tumtu zinga mi, Vivek Ramaswamy chuan August 12-a Iowa State Fair-a hun an hmannaah Eminem 2-022 track 'Lose Yourself' a play a ni. He hla hi a walkout song atana a duh ber a nih thu pawh a sawi bawk.

Mahse kum 50 mi, 'Mockingbird' rapper chuan a hlate hi political event-ah hman a phal loh thu sawiin, music licenser BMI-ah Vivek campaign event-a hman khap turin ngenna a siam zui bawk. August 23 khan BMI hian campaign lawyer hnenah lehkha a pe nghal a ni.

Inthlan hmasa lamah pawh campaign-naa a hla an play avangin artist lar tak tak - Pharrel Williams, Rihanna, Aerosmith leh Adele-te chuan an lungawi loh thu leh, phalna nei loa play an nih thu an lo sawi tawh bawk.