Aizawl Area Baptist Choir MV thar tlangzarh

Aizawl Area Baptist Choir (2022-2025) chuan August 29 zan khan music video, "Ka Thlarau Hualhimtu" tih chu an tlangzarh. Aizawl Area Baptist Choir youtube channel-ah en theihin chhawpchhuah a ni.

He hla hi conductor Lalramdina phuah a ni. Music Producer hi Muanpuia Renthlei niin, recording hi Kings & Prophets a neih a ni bawk. Video hi Green Rocket TV Production kutchhuak a ni thung.

Aizawl Area Baptist Choir hi BCM hnuaia Aizawl veng hrang hrang aṭanga member lak khawm ṭhin niin Aizawl Area Worship Committee-in a enkawl. Kohhran leh parachurch hrang hrangah te rawngbawlna an nei ṭhin a ni. Tunah hian member 23 awm mekin, he music video hi an term-a music video an tihchhuah palina a ni.