Ekta Kapoor hnenah International Emmy Awards hlan dawn

Indian filmmaker leh producer, Ekta Kapoor chu International Emmy Awards sem hunah Directorate Award hlan a ni dawn. Indian filmmaker zingah he chawimawina dawng thei hmasa ber a ni ang.

November 20 hian New York-ah International Emmy Awards ceremony hi neih a ni dawn a, he hunah hian chawimawina hi hlan a ni dawn a ni. Organiser-te chuan Ekta Kapoor hi Indian Television-a a thawh hlawk leh hnuhma a neih ṭhat avangin chawimawina hi hlan a ni dawn tih a puang.

Actor Jeetendra leh Shobha Kapoor-te fanu, Ekta hi television production powerhouse, 'Balaji Telefilm' co-founder a ni bawk. Film tam tak a produce tawh bawk a, heng zingah hian tun hnaia tihchhuah leh box office lama che ṭha tak, Dream Girl 2 pawh a tel.