Spotify-a record siamtu Taylor Swift

Tylor Swift chu music streaming platform, Spotify-ah hmeichhe artist zinga thla tina a hla ngaihthlatu maktaduai 100 chuang nei thei hmasa ber a ni.

Spotify chuan Thawhlehni khan an social page-ah Swift-i record siam hi an rawn tarlang.

The Weeknd chu Spotify-a thla tina a hla ngaithlatu ngah ber ni mekin, mkt 110 chuang an tling. February thla khan record hi a siam a ni. Bad Bunny chu no. 3 niin, Ed Sheeran-a'n a dawt.

Taylor Swift hi hmeichhe artist zingah Billboard 200 album chart-ah Top 10-ah a ruala album pali lanpui thei hmasa ber a lo ni tawh bawk. Top 10-a a ruala album pali chin lanpui thei arstist hi pathum chauh an la awm. Kum 1966 khan Herb Alpert chuan album pali a lanpui a, kum 2016 khan Prince chuan a rualin album panga a lo lanpui tawh bawk a ni.