Jay Jay Karo zawh a ni ta

Synod Mission Board media sub-committee buatsaih, Hindi ṭawnga Pathian fakna hla intihsiakna, 'Jay Jay Karo' chu nizan khan zawh fel a ni ta. Pakhatna chu Sheila Lepcha, Himali Kohhran, Chanmari a ni. C. Lianzela, Durtlang Leitan chu pahnihna niin, Fabiana Malsawmtluangin, Lungdai chu pathumna a ni.

Jay Jay Karo hi August 1 & 2 khan Elimination Round neih a ni a, August 10 zanah Second Reound neiin, August 18 zanah Top 5 intihsiakna neih leh a ni.

Grand Finale hi Syfo Studio, Synod Office-ah neih a ni a, Top 5-te hian an duh zawng hla pahnih, an la sak loh hmangin an intihsiak leh a ni. Intihsiakna hi judge pathum - PC Lianhmingthanga, Dr .Jenny Laldingliani leh T. Laldintluanga te'n an endik a ni.

Lawmman pakhatna dawngtu hian Rs 70,000 leh citation a dawng a, pahnihnain Rs 40,000 leh citation, pathumnain Rs 20,000 leh citation an dawng. Top 5-a tlingte'n consolation prize, Rs 5,000 leh certificate an dawng bawk.

Lawmman dawngtute:

Pakhatna - Sheila Lepcha, Himali Kohhran,Chanmari

Pahnihna - C. Lianzela, Durtlang Leitan

Pathumna - Fabiana Malsawmtluangi, Lungdai