Brand hoin SRK ‘Jawan’ ticket nuai khat lei dawn

Bollywood superstar, Shah Rukh Khan film chhuak tur, 'Jawan' chu tlangzarh hma aṭangin thawm a nei lian nghal hle. He film-a an thawhpui brand hrang hrang chuan an customer leh thawktute present atan ticket lei an tum a, ticket nuai khat vel an block tawh nia sawi a ni.

'Jawan' hi September 7-ah tihchhuah a ni dawn a, SRK bakah Nayanthara leh Vijay Sethupati-te an chang a, director hi Atlee a ni. Advance booking hi hmun 450-ah hawn a ni bawk. He film hi a budget pawh a sang hle a, Rs. vbc 250 zet niin, SRK film zingah budget sang ber a nih bakah, Bollywood film siam tawh zingah budget sang ber zingah a tel pha. Shah Rukh hian a home production a nih avangin hlawh hran a nei lo a, mahse, Nayanthara hian Rs. vbc 11 leh Vijay hian Rs. vbc 21 an hlawh nia sawi a ni.