Amazon leh Netflix-in 'Crime 101' inchuh

Crime thriller 'Crime 101'-ah Chris Hemsworth leh Pedro Pascal-te an chang dun dawn tih sawi a nih hnuah, he project hi Amazon leh Netflix-te'n an inchuh mek.

'Thor' star leh 'The Last of Us' star-te hi Crime 101-a chang tur hian inremna la ziahpui chiah lo mah se, a thuphung chuan an remti ve ve tawh nia sawi a ni. He film hi 'American Animals' director Bart Layton-a'n a direct dawn a, he film hi kum 2021-a tlangzarh, Don Winslow ziah 'Crime 101' novella behchhana siam a ni ang.

Hollywood-a mi langsar pahnihte channa tur hian ngaihven a hlawh nghal a, hei vang hian

Amazon leh Netflix pawhin an inchuh nghal. Amazon hi an chan a ṭha deuh rih nia sawi a ni a, mahse, inremna erawh siampui an la ni chuang lo.