Science & Environment : NASA-in Whirlpool galaxy NGC 5194 thlalak pho chhuak

James Webb Space Telescope (JWST) chuan lei (Earth) aṭanga light-year matkaduai 27 vela hlaa awm, Whirlpool galaxy NGC 5194, M51 tia hriat lar thla a la leh ta.

National Aeronautics and Space Administration (NASA) chuan August 30 khan an social media page-ah M51 thlalak mawi danglam tak hi an rawn pho chhuak a, hei hi Webb Near-InfraRed Camera (NIRCam) leh Mid-InfraRed Instrument (MIRI) hmanga lak a ni.

European Space Agency (ESA) chuan M51 hi lei aṭanga light year maktaduai 27 vela hla, Canes Venatici constellation-a mi a ni tih a sawi a, a bulah hian dwarf galaxy NGC 5195 a awm bawk. Heng galaxy-te hi kan planet aṭangin zan lamah hmuh theih chang an awm.

Astronomer-te chuan a hmain M51 thalak hi an lo tichhuak tawh a, mahse, Webb telescope-in a lak anga chiang leh kimchang erawh a ni ngai lo.

NASA, ESA leh Canadian Space Agency (CSA)-te thawkhoin van lam chanchin zir chianna atana James Webb Space Telescope (JWST) an siam hi kum 2021, Krismas ni khan kah chhuah a ni a, van thengrenga arsi hrang hrang thla pawh eng emaw zat a lo la tawh a ni. ESA chuan telescope hmanga zir chianna aṭang hian, arsi thar insiam chhoh dante pawh an zir chian theih an beisei tih an sawi.