Lebanon sorkarin 'Barbie' film tihchhuah phal ve ta

Lebanon sorkar chuan kar liam ta Zirtawpni khan 'Barbie' film chu an rama cinema hall-ah tihchhuah a phalsak ve ta.

Lebanon rama film, play leh lehkhabu tihchhuah tur endiktu, General Security agency chuan film tihchhuah phalna hi a pe chhuak a, hemi rual hian he film hi kum 13 leh a chung lamte chauh en a phalsak thung.

August thla khan Culture Minister Mohammad Mortada chuan he film hian mahni anpui kawpte a promote bakah, an ramin chhungkaw inpumkhatna an ngaih pawimawh takte chu a dah nep tiin khap turin a lo ngen tawh a ni. Hemi hnu hian Gneral Security censorship committee hnenah film hi review turin leh, thutlukna siam turin Interior Ministry chuan a hriattir ta a ni.

Kuwait ram pawhin 'Barbie' leh supernatural horror film, 'Talk to Me' tih chu an khawtlang nunphung leh inkaihhruaina dante venhimna turin an rama chhuah a lo khap tawh bawk.