Gucci Film Series tharah Harry Styles leh Billie Eilish

Gucci leh Gus Van Sant an thawkdun dawn nia sawi thawm awm chu a chiang tawh a, an thawhdunnaah hian khawthlang zaithiam lar pahnih  Harry Styles leh Billie Eilish-te hmel pawh kan hmu dawn.

Ningani khan Gucci chuan hemi chungchang hi tarlangin an collection tihchhuah thar tur “Ouverture of Something that Never Ended” chu film series pasarih hmangin an tarlang dawn a,  Alessandro Michele leh Van Sant-te'n an direct dawn a ni. He film series hi November 16 leh 22 inkara neih tur GucciFest-ah premier a ni ang.

Billie Eilish leh Harry Styles bakah hian Paul B. Pre­ciado, Achille Bonito Oliva, Darius Khon­sary, Lu Han, Jeremy O. Harris, Ariana Papade­metropoulos, Arlo Parks, Sasha Waltz leh Florence Welch-te pawh an inlan dawn a, Italy khawpui Rome-ah shoot niin a changtu ber tur Silvia Calderoni chuan heng milarte hi a tawng chho vel dawn niawm tak a ni.

GucciFes hi YouTube Fashion, Weibo, Gucci YouTube channel leh GucciFest.com-ahte pek chhuah a ni dawn a, khawvel huapa designer lar 15- Ahluwalia, Shanel Campbell, Stefan Cooke, Cormio, Charles De Vilmorin, Jordan Luca, Mowalola, Yueqi Qi, Rave Review, Gui Rosa, Rui, Bianca Saunders, Collina Strada, Boramy Viguier leh  Gareth Wrighton-te kut chhua pholan a ni ang. Designing lama tuite tan chuan en a chakawm tawh hle dawn tih a chiang a, hmaih phal chi a ni lo ang.

Van Sant an thawhpui dawn tih hi October thla tawpah khan Gucci hian ah an lo sawi thawi tawh a, tunah chuan an thawk dun ngei tih pawh a chiang tawh a; Harry Styles leh Billie Eilish bakah milar dangte inlan dan tur pawh hmuh a chakawm tawh hle a ni.