Uriah Heep keyboardist Ken Hensley a thi

British hard rock band Uriah Heep keyboardist, guitarist leh an hla phuahtu pawimawh tak ni ṭhin Ken Hensley chu kum 75 mi niin Nilaini khan a thi.

Ken Hensley thih thu hi an guitarist Mick Box chuan an official band Twitter lamah a tweet a, a unaupa Trevor pawhin Facebook lamah a puangzar bawk a ni.

Hensley hi London-ah kum 1945 khan a piang a, British rock band awm tawh zinga huhang ngah ber pawl Uriah Heep hi a hming chherna ni mah se rimawi khawvelah sulhnu a hnutchhiah nasa hle a, band leh zaithiam lar eng emaw zat a pui ṭhin. Uriah Heep lar vanglaia an hla tam ber kha a phuah leh a phuahpui a ni a, chung zingah chuan an hla hit 'Lady in Black', 'Easy Livin' leh 'Stealin'-te pawh kha a tel.

Uriah Heep studio leh live album 24 laiah a sulhnu hmuh tur a awm a, rimawi a tum thiam piah lamah hian zaithiam tak a ni bawk.