Aerosmith-in Farewell Tour nei ṭan

Aersomith chuan September 2 zan khan “Peace Out” farewell tour chu US-a Wells Fargo Centre, Philadelphia-ah an nei ṭan. Concert ṭan zan hian special guest 'The Black Crowes' an inlan bawk.

Kumin May thla khan Aerosmith hian farewell tour an neih tur thu hi an lo puang tawh a ni. An tour-ah hian drummer Joey Kramer erawh a tel thei lo a, a aiah John Douglas a tel a ni. Joey chu founding member ni mah se, a chhungkua leh a hriselna dinhmun ngaihven a ngaih avangin a zawm ve thei lo tih band chuan an lo sawi tawh.

Concert hi September 6 hian PPG Paints Arena, Pittsburgh-ah an neih chhunzawm leh ang. Tour hi hmun 39-ah an nei dawn a ni.