Indian actress zinga 1mn follower nei rang ber Nayanthara

Jawan film-a changtu, Nayanthara chuan Katrina Kaif record siam khumin, Instragram account a siam aṭanga darkar 20 chhungin follower maktaduai khat a nei tling.

Nayanthara hian Katrina Kaif-in kum 2017-a IG a zawm tirha darkar 24 chhunga followers maktaduai khat neia record a lo siam tawh chu a rawn khum. Mahse followers ngah lamah erawh Katrina hian mtd 75.7 nei mekin, Nayanathara hian mtd 2.6 a nei tawh a, a la pha lo vang vang hle.

Kum 38 mi, Nayanthara hian IG-ah hian Jawan trailer chu a post hmasa ber a, a hnuah a fapa te pahnih thlalak leh video a dah leh bawk. Shah Rukh Khan nena an channa, Jawan hi Ningani hian release a ni dawn a, advance booking aṭangin ticket hi Rs. vbc 17 man hu an hralh chhuak der tawh.