Tenet Blu-ray, Digital Release December-ah

Christopher Nolan-a big bugdet movie Tenet chu Blue-ray leh digital-in December aṭang hi chuan lei tur a awm tawh dawn niin Warner Bros chuan an tarlang.

UK-ah December 14-ah an zuar chhuak ṭan dawn a, US-ah chuan December 15-ah zawr chhuah an tum thung a, Australia-ah December 16-ah zawrh chhuah hman an tum bawk. Hetih lai hian India ramah erawh an la zuar chhuak ve dawn lo a, Theatre-a an tlangzarh tawhna ram hoah hian Blue-ray leh digital hian an zuar chhawng dawn a ni hmel. Hetihlai hian Blue-ray emaw digital emaw a awm tawh chuan pirate site hoah chuan a fiah download tur a awm leh nghal dawn tihna a ni.

Tenet hi India ramah engtikah nge an tlangzarh ve dawn a la hriat loh a, kumin chhung ngei hi chuan an tlangzarh hman mai thei niin mi ṭhenkhat chuan an sawi. Hetiang hi ni mah se theatre tam ber khar a la nih rih avangin an tlangzarh mai a la rinawm lo a, chutihrual chuan India rama theatre nei tam ber state Maharashtra-ah chuan cinema hawn leh an tum tawh avangin tun thla chhung ngei pawhin an tlangzarh hman mai thei bawk.

India ramah hian la tlangzarh chiah dawn lo mah se international store kaltlangin a lei theih dawn a, online shopping site hrang hrangah a lei theih lehnghal rin a ni tho.