Savage x Fenty copy-ah Victoria's Secret puh

Victoria's Secret runway show film-a backdrop chu Rihanna brand, Savage x Fenty show set copy-ah an puh.

Rihanna hi zai lamah chauh a insawrbing lo a, makeup brand Fenty Beaty by Rihanna founder a nih bakah; lingerie, sleepwear leh loungewear brand Savage x Fenty founder a ni bawk. Kuminah he brand CEO a nihna aṭangin chawl mah se, a hmingin a la kal reng thung.

Rihanna fan-te chuan Victoria's Secret-in runway show short film, 'The Victoria's Secret World Tour' ami tur thlalak an rawn pholante chu kum 2019-a Savage x Fenty fashion show neiha an set nen a in ang tih rawn hmu nghalin, VS chu midang copy-ah an rawn puh a ni. Mahse VS chuan hei hi phain, tour an neihna Barcelona-a Corbero Space pianhmang entawna an siam niin an sawi thung a ni.