MrBeast leh Jacksepticeye-te'n an buaina ching fel

YouTuber lian pahnih, MrBeast leh Jacksepticeye-te chuan YouTube chungchanga an inchhal chhoh hnuah, DM hmangin an inkar buaina hi an chingfel thei ta.

Irish YouTuber Jacksep-ticeye hian polygraph test a neihah MrBeast hian a video-te chu view tam, sum leh larna tur ringawt ngaihtuaha a siam a nih avangin YouTube a tichhia a, video-te hi aman a hlimpui leh nuam ti taka a siam ni se a tun ai hian an kal thui zawk ang a, a thlirtu tan pawh a hlimawm ang, tiin a sawi a ni.

MrBeast chuan hei hi chhangin "In ropui leh sports car-te lei lo a, ka sum hmuhte thil ṭha tihna atan leh, midangte ṭanpui tura naupangte zirtirna atana ka hman avangin 'YouTube tichhetu' ka ni tihna em ni?" a rawn ti. Jacksepticeye-a content chungchang pawh sawi tur tam tak a neih ve thu a sawi a, mahse, amah ang leka awm ve a tum lo tih a sawi zui bawk.

Kum 25 mi, MrBeast, a hming tak James Stephen Donaldson hi American YouTuber niin, August 31 thleng khan subscriber mtd 180 chuang neiin, mimal zingah subscriber ngah ber a ni. Kum 33 mi, Seán William McLoughlin, Jacksepticeye tia hriat lar hi Irish YouTuber niin subscriber mtd 30 chuang a nei. A content tam ber hi gaming leh vlogs lam a ni.