Zaninah 'Dear Kim' tlangzarh dawn

Mizo fantasy love story movie hmasa ber tur, 'Dear Kim' chu zanin dar 8-ah Vanapa Hall-ah tlangzarh a ni dawn ta.

Vanapa Hall-a tlangzarh a nih hnuah, naktuk zan hian Saikuti Hall, Lunglei-ah premiere a ni leh dawn a; September 10, Pathianni zan aṭangin Lersia Play-ah en theihin chhawpchhuah a ni ang.

'Dear Kim' hi mi pahnih hmangaihna zinkawng, hun koh kirna lam thawnthu a ni a, chhungkaw kima en tlan theih chi niin, a hmuhnawm hle tura beisei a ni. Isaac Chawngthu leh Zuali Chhangte te chu a changtute niin; ṭhalaite hriat hlawh tak Siamtea (Awmpui thinchhia) leh Peter Lobo-te an inlan bawk.

He film producer hi Amos Lalramchhana Fanai (Highland) a ni a, director hi Mizo film industry-a mikhual lo tak, Jonathan Thangeo a ni. Assistant director hi Benjamin leh Mesak niin, cinematography hi Sawmtea (ZO_King) a ni.

Film promotion leh premiere event zawng zawng hi Brighter Co. (Event Management & Advertising Agency) lamin an buapui a, film sale lamah pawh hralh tla ber nih tumin hmalakna an kalpui bawk.

'Dear Kim' hi Pathianni zan aṭangin Lersia Play-ah a en theih dawn a, a man hi Rs. 354/- (highest quality), Rs. 295/- (high quality), Rs. 236/- (medium quality) leh Rs. 177/- (lowest quality) te a ni ang.