Freddy Mercury piano £ mtd 1.7-in hralh

Queen frontman fam ta, Freddie Mercury-a Yamaha piano chu Nilaini khan lilamnaah £ mtd 1.7 in hralh a ni.

Freddie Mercury hian a piano ngaihhlut tak mai hi hla eng emaw zat siamna atan a hmang a, heng zingah hian Bohemian Rhapsody pawh a tel. He hla thu, ama kutziak ngei awmna chu £ mtd 1.38 in hralh a ni bawk.

Mercury ṭhianṭha zinga mi, Mary Austin chuan Mercury thil neih hrang hrangte hi lilamsakin, hralh tura an phochhuah hi item 1,500 dawn an tling. Nilaini aṭang khan lilam hi neih ṭan a ni a, a ni khatnaa an hralh chhuah zinga ṭhenkhat chu -

- Kum 1975-a Bohemian Rhapsody video an siamnaa a bun, silver snake bangle chu an beisei aia a let 100 zeta to, £ 698,500 in an hralh.

- West London-a a in, Garden Lodge home kawngkhar, a fan-te'n thil lem an ziah khatna chu £ 412,750 in hralh a ni.

- Hla thu a ziahna, Somebody To Love (£241,300), Killer Queen (£279,400) leh We Are the Champions (£317,500).

- 1986 Magic tour an neihnaa lallukhum khum leh kawrfual hak chu £ 635,000 in an hralh.

- Sir Elton John hnen aṭanga thilpek a dawn, onyx and diamond Cartier zungbun (£273,050), he zungbun an hralhna hi Elton John Aids Foundation hnenah hlan vek a ni ang.