‘The Bikeriders’ trailer tichhuak

Filmmaker Jeff Nichols-a drama thar, Austin Butler, Jodie Comer, leh Tom Hardy-te channa, The Bikeriders' trailer chu nimin khan 20th Century Studios leh New Regency-te chuan an tichhuak. He film hi December 1-ah release a ni ang.

Trailer hi minute hnih awh niin, Butler leh Hardy chu Benny leh Johny an ni a, motorcyle club member an ni. Comer hi Benny kawppui, Kathy lemah a chang. He film-ah hian Kathy hian pasal atana biker a neih dan, kum 1960 chhoa an motorcycle gang-te thil tawn chhohte tarlan a ni.

'The Bikeriders' film hi photographer lar, Danny Lyon-a'n 1968 photo book, The Bikeriders a tihchhuah behchhana siam a ni a; Michael Shannon, Mike Faist, Norman Reedus, Boyd Holbrook, Damon Herriman, Beau Knapp, Emory Cohen leh Karl Glusman-te an chang tel bawk.

August thlaa Telluride Film Festival neihah khan premiere a ni tawh a, FBI London Film Festival neih turah tihchhuah a ni bawk ang.