Megadeth tour neih laklawh laiin guitarist Kiko chawl

American thrash metal band, Megadeth-in world tour an neih mek laiin, an guitarist Kiko Loureiro chuan a chhungte bula hun hman a duh avangin a chawlhsan.

Kiko hi Europe tour an neihnaah a tel a, mahse, September 6 aṭanga "Crush The World' North America leg an neihah erawh a tel ve ta lo. Hemi chungchang hi a Instagram-ah pawh tarlangin, in lamah a fate bula awm turin tour hi a chawlhsan rih a ngai tih a sawi a, an frontman Dave Mustaine pawhin a dinhmun chu a hriatthiampui hle tih a sawi bawk. Tour an chhunzawmnaah hian Kiko aiah musician Teemu Mantysaari a tel dawn thung a ni.