Sawmtea Chhangte MV thar a chhuak

Mizo gospel singer kan neih ṭhat ber zinga mi, Sawmtea Chhangte chuan 'Kan chawmawi che' music video thar a tichhuak leh ta. MDM Library-ah dah luh niin, cable TV leh YouTube lamah en theiha chhawpchhuah a ni tawh bawk.

'Kan chawimawi che' tih hla hi Zohmaa Jahau phuah a ni a, Chicago khawpuiah shoot niin, Sawmtea a zai a thiam piah lamah a video pawhin mit a titlaiin a hmuhnawm hle.

Sawmtea hi USA-ah a la cham mek a, zai tura sawmna pawh a dawng nasa hle. Zohnahthlak unaute'n zai turin an sawm kual reng a, a thlen tirh aṭangin kar khat mah awl loin state hrang hrangah zaiin hun a hmang mek. Hmabak tam tak a la nei bawk a, heng zingah hian September 30-ah 'International Festival' Bowling Green-ah a zai dawn bawk a ni.