Mizo Film Awards 2023 nomination puang ta

Entertainment Society of Mizoram (ESM) buatsaih, Mizo Film Awards 2023 nomination chu puan chhuah a ni ta. Awards hi September 29 zanah Vanapa Hall-ah sem a ni ang.

Mizo Film Awards hi category 12-ah sem a ni dawn a, mipuite vote hmangin People’s Choice Award dawng tur thlan a ni ang. Hei bakah hian category tinah pawh mipuite'n an duh zawng an vote thei dawn bawk. Tlau Entertainment YouTube channel-ah vote hi a thlak theih dawn a, vote thlak theih hun tur hi puan leh a ni ang.

Mizo Film Awards 2023 hian December, 2021 - August, 2023 inkara Mizo film chhuakte a huam a ni.