Milan-a 'North East India Festival'-ah Senhri Folk & Cultural Troupe

Consul General of India, Milan, Italy leh North East Institute of Fashion Technology (NEIFT) te ṭangrualin an buatsaih, 'North East India Festival' chu Milan, Italy-ah vawiin hian neih a ni dawn. He hunah hian Senhri Folk & Cultural Troupe, Art & Culture Department chuan Mizo lam, Mizo zai leh rimawite an entir dawn.

Milan-a 'North East India Festival'-a tel tur hian Mizoram Troupe hi Indian Council for Cultural Relations (ICCR), Ministry of External Affairs, Govt. of India, New Delhi chuan a sawm a, North East state hrang hrang aiawh turin anni chauh hi sawm an ni.

Senhri Folk & Cultural Troupe hian September 7 khan Milan hi an pan a, September 13-ah India panin an rawn haw ang.