UK Gospel Music Festival hmasa ber hmang

UK Gospel Music Festival hmasa ber chu Inrinni liam ta khan Stanley Park, Liverpool-ah neih a ni a, chhimtu an ṭhahnem hle. Khawvel huapa gospel artist lar eng emaw zat an inlan.

Artist inlan zingah hian The Kingdom Choir, CalledOut Music, Love & Joy Gospel Choir, Sarah Teibo, Sense of Sound, Lighthouse Choir, Volney Morgan & New Ye,DavidB, Wavertree Gospel Choir leh NaffymaR-te an tel. He festival hi Liverpool Lighthouse buatsaih a ni.

Festival director, Anu Omideyi chuan gospel music leh musician-te chuan kum tam tak chhung mainstream artist-te an thlawp ṭha thei hle a, hei vang hian gospel music pual bika platform buatsaihsak hi an duh tih a sawi.

Festival denchhen hian Zirtawpni khan workshop hrang hrang buatsaih a ni bawk. Liverpool Town Hall-ah singing masterclass buatsaihin, Kingdom Choir member Karen Gibson chuan a kaihruai a ni. Hemi ni vek hian expert panel chuan gospel musician chhuak tharte tan zai lama hmasawnna leh huang zauh zel dante sawipuiin, thurawnte an pe bawk. Panel-ah hian The Voice UK 2022 winner Anthonia Edward, Premier Gospel Radio station director Muyiwa Olarewaju, Gospel Music Industry Alliance co-chair Roger Moore-te pawh an tel a ni.