Cristiano Ronaldo-a'n lirnghing tuarte tan a hotel thawh

Cristiano Ronaldo chuan Morocco rama lirnghing tuarte awmna turin a hotel a thawh.

Zirtawpni liam ta zana magnitude 6.8-a naa Morocco rama lirnghing hian in tam tak a sawi chhia a, mi tam tak chenna nei loin an awm a ni. Heng mite awm lailawkna turin CR7 chuan Morocco rama Marrakesh-a a hotel, Pestana CR7 chu a hawnsak. Pestana CR7 hi four star niin, room 174 a awm a, outdoor pool, fitness centre, restaurant leh terrace te a awm. Portugal captain hian lirnging tuartute a tawrhpuina thu hi Instagram lamah pawh a tarlang bawk.

Morocco national football team chuan lirnghing avanga hliam tuarte puihna turin, Inrinni khan a thlawnin thisen an pe bawk.

Cristiano Ronaldo hi midangte ṭanpuina kawngah a pen chhuak nasain fak pawh a hlawh ṭhin hle. Kumin May thla pawh khan Turkey leh Syria rama lirnghing rapthlak tak tuarte ṭanpuina turin an mamawh thil chi hrang hrang a thawn a, a thilpek hi USD nuai 3.5 hu a tling.